Tangata'eiki,

Kataki mu'a kae toe fakakau atu pe kita he talanga he 'oku malie pea faka'enekete e me'a 'oku hoko hotau fonua ne tuku ki Langi.

Ko e me'a 'oku ou sio ki ai ko e kau tautolo mei he ongo televisone. 'Oku mahino pe Televisone ia 'a e pule'anga 'oku nau feinga ke malu'i 'enau tafa'aki pea 'i he taimi lahi hange 'oku nau ki'i fakaninimo 'i he toutou malanga'i mai e me'a kuo tuku mai he ongoongo. Kole atu ki he ki'i siana si'isi'i fetifeti ke tukuange ke tau'ataina e kakai he'enau fili kae tuku e fakapunake'i mai e tala fono. Kaekehe mahalo na'a ko 'enau ngaue pe ia.

Ka 'i he televisone 'e taha 'oku ua mo e konga e fo'i timi mei ai. Ko e timi 'e taha ko e ki'i poko mo e tama kuo kamata ke poko mo e kava pehe ki he 'ulupaaki ki mu'a. Ko e timi 'e taha ko e ki'i fo'i feti mo e fo'i sino pea mo e ki'i fakala'ela'etula 'e taha.

Ko e timi leva 'e tahaa ko e timi malie, he 'oku na toko ua pe. 'I he timi 'a e ongo poko mo e kava pehe ki he paaki...kuo 'ikai ha toe me'a fo'ou ia ko e hala pe he'enau lau ki he pule'anga ko 'enau vikia pe nautolu pe ko'enau fakafana mai e 70 tupu.

Kuo tu'u mai e kava ia 'o tala ko e Dual citizenship ko e me'a ia na'a ne fokotu'u he taimi na'a ne kei 'i he falealea ai. Pe ko 'ene mo'oni pe 'ikai kae hange 'oku ne fiefia he penu kehe koaa. Ko e sulu meimei poko, na'e ngaue fakapule'anga pea 'oku ne 'omai e ngaahi me'a lelei mo sai 'e ala tokoni ai ki he pule'anga. Koeha? ne 'ikai ke ne 'ai ai he taimi ne kei 'i he pule'anga ai kae toki nofo 'o vahe penisoni mei he pule'anga pea toki lau atu. He'ilo mahala na'a 'oku 'i ai pe ha'ane mo'oni. Ko e ki'i 'ulupaaki ki mu'a. Ne pule pilisone pea ko ia na'a ne takimu'a e fakamoveuveu he laka ke tala 'oku 'ikai ha mafai e kau tauhi melino pea na'a ne feinga tokua ke tokanga'i e melino. Mahalo ko e me'a faka-Hu'atolitoli pe ia. hange ko e lau 'a e faifekau ne faifekau he Pilisone, kainga kapau 'e 'i ai ha 'ulungaanga 'e maheheu kataki'i kita he 'oku te'ekiai ke to'o hoto anga'i populaa. Sai ko e ki'i feti. Mahalo huanoa kapau ne toketa filosefa e tokotaha ni. Nofo 'o lau ki he fakahekeheke 'a e ni'ihi ke ma'u mei ai ha koloa. 'E fefe nai e taimi ne heke holo ai he "Kotoa Movement" meimei lavea he heke holo. Ko 'ene fakaanga 'oku hala ke faka'esia he 'oku ne pehe 'e ia hange ko e lau 'a e sio'ata he talanoa 'o Sinitalelaa" Ko ko e pe talavoutaha 'i mamani".

Ko e ki'i fakala'ela'etula, kovi 'eku loi koe sulu ni ko e toketa filosefa mo'oni. 'Oku poto he me'a kotoa, ka teka 'o lao 'oku Lao..ka teka 'o Pisinisi 'oku pisinisi...Politiki poto taha pe ia..'akapulu..tikataha pe ia pea ka mata'i fietika 'oku toe tika atu pe ia. Fai mu'a ha ngaue ke 'ilonga ke mo'ui ai e kakai. Sio atu ki he ngaahi pisinisi 'a e kau Siaina 'oku nau toe kake ki 'olunga ko ho'omou holi ke politiki kae tuku e me'a te mou tokoni ai ki he kakai. Mo'oni e lau 'a e palangi tuku e ngaue laongutu (lip service).

Ko e fu'u tangata sisino. Ko e siana ni ia ko e tika mo'oni pe ia he koe minisita Polisi malolo, loea toto atu pea tangata mata'i fita'aa. Tau ki'i heke ki he tafa'aki, ko e taimi ne minisita ai....hopo lahiataha..toe hopo fo'i taha..toe mole lahi e pa'anga 'a e pule'anga...koeha e me'a 'oku hoko he taimi ni. 'Aka ia ki he pule'anga ke puli ai 'ene me'a ne faii. Malie tangane...'Oku ke 'ilo 'e lilolilo ka 'e kio. Ko e ongo tama 'oku na timi toko ua..kou pehe ko e ongo hau kinaua..'Ikai ke hange koe timi 'a e pule'anga..pea ko e kau sulu koee ka 'oku na nofo ki he folofola pea mo tokoni pe neongo pe 'oku fefe 'ena tokoni. kau ki'i fakamanatu atu ki he kau tauta he televisone, mou feinga'i ha me'a 'e fai ai e langa hake kae tuku e katuni mo e fakaoli.

Malo,

Pola Loiti

polaloiti [at] yahoo [dot] co [dot] nz