‘Etita,

Kuo ho’ata malie e ola ‘o e hopo huufi ‘o e Falealea. ‘Oku lolahi e ngaahi me’a ia te tau ako mei he hopo ni ka ‘oku fakahisitolia hono fehu’ia ‘e ha ‘Eiki Nopele ‘a ‘Ene ‘Afio ‘a e mafai fakakonisitutone ‘o ‘Ene ‘Afio/Pilinisesi Pule. Lau tokua ko e kau Nopele ko e ngaahi to’ukupu kinautolu ‘o ‘Ene ‘Afio.

Kuo ‘i ai pe he kuohili ‘a e ngaahi hopo ‘a e nopele mo e nopele pe nopele mo e pule’anga pe Minisita Fonua, ka ko e ngaahi me’a fakakelekele pe ia ‘o felave’i pea mo e ngaahi vaha’a tofi’a. ‘Oku mamae ‘aupito ha nopele ke hopo pea mo Tungi koe’uhi ko e ‘i he taloni ‘a Tungi. ‘Oku toki kehe ange ‘a e fika ‘uluaki mai ‘a Nopele Lasike pea ko e nopele pe ‘e taha ‘i he toko 8 ne nau talatalaaki ‘i hono ‘eke’i e mafai ‘o ‘Ene ‘Afio. Matamata ne aafe ‘a e ‘Eiki Nopele ke kau mo Clive Edwards koe’uhi ko hono fakafofonga’i ia ‘e Clive ‘i he’ene hopo pea mo e finemui. ‘Oku ou kau he lotu ta’etuku ke malohi e hopo ko ‘eni ‘a e ‘Eiki Nopele he ka ‘ikai ko ‘ene toki mea'i lelei ia e mafai fakakonisitutone kuo ne ‘ekea. Koe ha kuo ‘ikai te ne mu’aki tukuange ai ‘e tu’unga nopele ne ne ma’u mei he mafai tatau kuo ne fehu’ia? Mahalo na’a ko ha me’a fakahou’eiki pe kae ‘Oua ‘e tangi ke tatau na’a houhau ‘a Taufa’ahau. Ko e toe fakakata hot air ee!

Mo e loto faka’apa’apa

Sione Fifita

fifitasione [at] yahoo [dot] com [dot] au