Tangata'eiki,

Fakamolemole mu'a 'o tu'u atu ho'o kolomu 'a e hakahaka moe patapata he faifatongia poto 'a e Minisita Lao, 'Alisi Taumoepeau, ke malu'i e lao mo e konisitutone 'o e 'Otu Tonga. 'Iuvi'i, taau pe Lei mo e Tofua'a. He kuo 'omai ko e mei he tautahi ke fakamo'oni'i mei he Fanga 'i he Si, 'Oku Lea pe 'a e Tohi. Ko Koe pe teke ongo'i ke 'oatu e fale'i mo'oni mo fakapotopoto ki he Pule'anga 'o Tupou mo Hou'eiki, he na'e lalanga pe mei manava 'o a'u ki he pa 'a ngangalu ho'omou faifatongia ki Loto Tatau. Neongo ne fakapopo'uli hono tuku kitu'a ho mali, ka na'a ke kei tauhi e kahoa tupu'a 'o Afeaki ke malu'i pea sila'i he ko e koto tapuaki. Mau fiefia he peau tupu koso ne ne tapuni e Fale Alea 'o Tonga ka e sikahema hake 'a e ki'i fo'i malama, 'Ateni Seniale 'o e 'otu Tonga, kene huluhulu mai 'a e totonu faka 'Otua, 'oku haohaoa ki he Pilinisesi Pule kene fakahoko e ouau fakava mo tapuni 'o e Fale Alea 'o Tonga. 'Ofa ke toumalingi mai mei loto langi ha poto fe'unga mo malohi ke ke malu'i 'aki e totonu 'a e Pule'anga ki he leli fakalukufua. 'Aikona e tala kia King Solomone, kuo foaki atu e poto mo e 'ilo, ka ke "be determined and be confident". Ha'apai Veu, tau fili ai pe ke tonu pea tau 'omai 'a Sela Kasinga ke malanga ma'a kitaua he Falealea.'E malava pe he'etau Minista Lao ke ne malu'i 'etau fefine ni mei ha'ane heva 'i ha talanga 'oku fifhi pea fakaholomamata.

'Ofa atu

Longolongo'aevalu

direction2u [at] xtra [dot] co [dot] nz