'Etita,

Kataki ka e fakakau atu mu'a 'a e ki'i fakahoha'a ko eni 'i ho'o kolomu. 'Oku lahi 'e ku lau e ngaahi nusipepa pea mo e websites kehekehe pe he internet Fekau'aki mo hotau fonua tala ko ia ko Vava'u. 'Oku holoi tounga hono folaua mo mamata'i 'e he kau folau 'eve'eva. Ko e fa'ahinga folau 'eve'eva 'oku ou tokanga ki ai ko e folau 'iote. 'Oku 'i ai e kau folau 'iote hangatonu mei honau fonua muli ki Vava'u pea kalasi e ni'ihi 'oku puna vakapuna ki Vava'u 'o toki heka ai he ngaahi 'iote charter 'a e Moorings.

Ko e tafa'aki 'oku ou tokanga ki ai pe 'oku fefe hono dump 'enau veve mo e 'uli mei he ngaahi 'iote. Kau atu ki ai mo 'enau tokanga'i e ngaahi motu 'oku nau hifo ki ai. 'Oku 'i ai nai ha lao 'oku ne tokanga'i hono tauhi malu e 'atakai tatatefito ki he tahi takatakai ko ia 'i Vava'u mo e hakau ko ia 'oku si'i ma'u mo'ui ai si'i kainga 'o e 'otu motu lalo 'o Vava'u.... ... 

'I ha tohinoa e taha 'o e kau folau 'iote ki Vava'u na'a ne fo'ou 'ia ia he taimi na'a ne folaua ai 'a e tahi mo e ngaahi 'otu motu o Vava'u he 'ikai 'i ai ha fakatokanga ange kia kinautolu fekau'aki mo e malu'i 'o e 'Atakai 'o hange ko ia 'i he ngaahi 'otu motu Bahamas mo e Carribeans.


Kapau 'oku 'i ai ha lao ki he tafa'aki ko eni pea kataki mu'a ke enforce ange pea kapau 'oku hala pea mo kataki Samiu Vaipulu mo Vili Kau 'o fakahu atu he Falealea, kae tuku atu ha fo'i session temo e taha. Kapau 'oku mou pehe 'oku 'ikai uesia he taimi ni, 'e vave ni mai pe.'Oku sai ange mu'a hake he ta e kane. Na kuo taimi ke 'ai ha'atau kau Environmental Police ki Tonga na tautautefito ki Vava'u.

'Oku 'ikai tonu ke fahaehaua'i e mo'ui 'a e elili, topulangi, 'umana, 'ohule, feo... mo e me'a mo'ui kotoa i tahi 'i he ngaahi fakalaka 'oku tau laka ki ai.

Siosaia Mila

Salt Lake City, Utah, USA.

Fungaanauku [at] comcast [dot] net