'Etita,

Malo mu'a e tau moe ngaue mo hono tufaki mai 'a e ngaahi talanoa mo ongoongo kehekehe ketau 'inasi ai he ngalu'ea. 'Oku 'ikai ke 'i ai ha taumu'a malie ia 'o e ki'i tohi ni. Ko e fakamalo pe ki he kau tangata 'oku nau vahevahe mai 'a e ngaahi fakakaukau ke tau 'inasi ai neongo 'oku too kehekehe pe 'a 'etau ngaahi tui. 'Oku ou fakamalo atu kia Siosiua mo e kau fekumi mei 'Aositelelia 'i he ngaue 'oku fai pea pehe foki kia Sefita mo e kau tangata mei Nu'usila koe fakamaama kotoa pea 'oku vahevahe mai ke tau 'inasi ai.

Ko e me'a malie foki ne lave ki ai 'a Sefita 'i he kau fakapulipuli 'oku nau unga pe 'o tolo mai ki loto mala'e mo 'enau ngaahi fakaanga kae 'ikai 'asi mai ki loto ke 'aonga e lea Tonga (fofola e fala kae alea e kainga'). Kapau 'oku tau 'ofa mo'oni hotau tupu'anga 'oku totonu ke 'oua tetau maa he 'asi mai ki mu'a 'i hono talanoa'i 'oe ngaahi lelei 'oku tau feinga ke langa'i hake ai 'etau mo'ui fakaluukufua.

Ko e ki'i tohi fakavavevave atu pe 'eni 'e 'oku fai 'a e faifatongia 'i Tonga ni 'i he me'a faka'eiki 'o...  Hon 'Ahome'e pea pehe kia Hon... Fakafanua. 'Oku 'afu'afu e funga 'o e fonua ka 'oku 'ikai mato'o 'a e 'ofa ki he ngaahi fofonga kotoa pe 'oku fai 'a e fe'iloaki lolotonga 'a e 'ao'aofia 'a e ngaahi vahe 'oku too ai 'a e po'uli.

'Ofa atu

Siosaia Moimoiangaha

siatahi [at] yahoo [dot] com