'Etita

Fakamalo atu ki he Sosaieti Lo'au 'a Aositelelia mo e ngaahi 'ipiseli loloa kuo tau lau mo mamata kotoa ki ai he fakataha'anga ni pea ko e me'a malo ia ko 'enau tokanga ki he ngaahi 'isiu 'oku tau tofanga ai he ngaahi 'aho ni 'i Tonga pea 'i muli foki. Ko e me'atepu ko'enau tali ke tau felongoaki 'i he funga 'o e fe'ilongaki ta'e fakapulipuli 'o kehe ia mei he kau kaiha'a 'oku nau tui puloa mai ki he feitu'u ni pe nofo pe he fakapo'upo'uli 'o tolo mei ai.

Ko e lahi 'o e ngaahi tohi kuo fai 'e he kau memipa 'o e Sosaieti ni 'o teke mu'a mai ma'u pe 'a e ngaahi ma'oni'oni 'o e founga tokua 'oku fai 'aki 'a e hakili, fakaanga ta'efilifilimanako mo e ha fua, ka 'oku ou manavasi'i 'i hono toutou fakamamafa'i mo hiki matalalahi 'a e ngaahi me'a ni 'o hange ko e tohi fakamuimui 'a Siosiua, he 'oku hange kuo tau hiki hake mei he fakamahino (communicating clearly) ki he fakamatamatalelei (self-promotion) pea 'oku ou fakatauange 'oku 'ikai ko e taumu'a ia, he 'e loto mamahi 'a Lo'au Ono'aho 'o kapau 'oku pehe. Kuo mou 'osi fakaha mai 'a e founga ngaue, ko 'emau tali 'eni ke pulusi 'a e ngaahi fakatotolo (research) mo e ngaahi fokotu'u fakakaukau ka tau fakahoa pe 'oku fehangahangai lelei 'a e me'a 'oku vikia mo e fakahoko 'o e fatongia.

Sefita Hao'uli
Auckland
New Zealand