Ki he 'Etita,

Kou lau hifo 'i he hanga 'e he kau polisi 'o fa'ao 'a e ngaahi me'alele pea pehe ki he 'api ne nofo ai e konga e kau ngaue fakapule'anga 'i Vava'u. Pea 'oku mahino pe ia ko e fai honau fatongia ne fakakouna'i kinautolu ki ai. Ka 'oku ou pehe loto me'a ta'epoto mo'oni ko e Potungaue Polisi mo honau kautaki he kuo tofa atu e 'ehe Potungaue Mo'ui e hala kiate kinautolu ke nau muimui ai kae 'ikai ke hu ha me'a ia ki he 'ulu. '



'Oku tau lave'i kotoa pe ko e ongo potungaue vahe kovi taha pe 'eni 'ihe pule'anga fakataha mo e kovi 'enau service ko e 'uhi pe koe 'ikai ke fu'u tokanga 'a e pule'anga ki hono fakalelei'i.



Pea poto e kau toketa ia moe kau neesi 'o kau he strike kae fai holo e kau polisi ia he fakafe'ao holo e kau strike mo e 'ikai ke 'iai ha me'a he 'ulu ke fakakaukau a ke feinga'i e vahe ke 'aonga 'enau ta e fanau e kakai 'ihe ngaahi feitu'u fakapule'anga.



Me'a pango he 'oku si'i fai pe he kau polisi honau fatongia ka e hangahanga kehe holo 'a e minista polisi mo e fietonu kuo lahi. Poupou atu ki he kau taki 'o e Potungaue Mo'ui ho'o mou loto lahi 'o ta ha sipinga ki he Potungaue Polisi, ha e 'aonga e tui teunga holo moe 'ikai ke iai ha me'a he kete, mo'oni e lau e kau leka KETE KOVI moe FAKALAI,



Ka 'osi e strike ko 'eni kuo lava hono hiki lelei e vahe e kau ngaue fakapule'anga ko e faka'ofa e koe kau POLISI pea mo'oni ai e lau pea toki fakalahilahi vahenga'aki pe 'a e founga motu'a UNDER THE TABLE.

Ko ia ai Potungaue Polisi 'ofa pe ke meemeea a 'e 'uto 'o fakatokanga'i e me'a 'oku hoko kae 'oua e fu'u nonomolo holo he temou toki strike atu a mui pea hoko ia koe me'afakaoli 'a e kakai.



Faka'apa'apa atu,



Ki'i Fonua 'oku tu'u 'i 'Oseni

tonga2day [at] yahoo [dot] co [dot] nz