Re: BBC news article: Strikes grip cash-strapped Tonga [2]

Tangata'eiki,

'Oku ou kau he kau lau ho'o ngaahi ongoongo pea pehe ki he ngaahi kautaha ongoongo kehe. 'Oku ou tui ta'etoeveiveiua ko e ma'u hala eni 'a e BBC. Ne 'ikai ha lau pehe ho'o fakamatala ka ko 'eku hoha'a na'a ko ha ma'u hala eni moe lau he letio ABC 'ae pule 'o e TV OBN. Kou tui 'oku 'ikai 'ilo 'e he tokotaha ni 'ene me'a na'a ne lea'aki. Tukukehe ange 'ene tukuaki'i 'a Sefo Manilala ki he fakamanamana ange ke pulutousa'i 'ene TV ka na'a ne pehe ko 'ene TV pe 'oku tau'ataina. Na'a ne toe hoko atu'aki 'ene pehe koe kamata'anga eni e ngata'anga 'oe pule'anga, pe 'i he'ene lea fakapilitania "Beginning of the End of the Government" Koe taha eni ha lea mamafa ka 'oku ta'emakatu'unga e tukuaki'i ko eni pea 'oku ne 'omai e 'imisi kehe ki tu'apule'anga. Kou tui tangata'eiki koe ngaahi fakamatala pehe 'e lava ke ma'uhala ai e kakai, ka 'oku 'ikai totonu ke hufanga(excuse) ki ai e BBC ia. 'Oku 'ikai fai ha ofo ia he koe BBC 'oku 'ikai tonu ma'u pe, 'oku tau manatu ki he lipooti miniti 'e 45 fekau'aki mo Iraq ne fakafisi ai e pule 'oe BBC. Ka ko hono aofangatuku 'oku mau fakamalo atu 'Etita ki he ngaahi fakamatala totonu mo palanisi 'oku ke 'omai ke mau tofuhia ai.

Faka'apa'apa atu,

George Sica,

Brisbane