'Etita,

'OKU ou fifili he tohi koeni 'a Clive Edwards "Ta'efiemalie 'a Clive Edwards he ngaue 'a e FIHDRM - 29-July 2010. http://www.mic.gov.to./ [2]" ki he talekita 'o e kautaha totonu 'a e tangata 'i Tonga. Ko 'eku fifili he ko e kautaha eni pe kulupu 'oku nau fa'a 'ohofi e kau taki he pule'anga pea mo ha ni'ihi fakafo'ituitui 'oku 'ikai ke nau tui tatau. Ka 'oku ha mahino mei he tohi 'a Clive hange 'oku "namunamu kuma" kapau te u kaiha'a lea mai pe mei he'enau (temo) ngaahi lea 'oku nau fa'a ngaue'aki.

Tukukehe ange konga kimu'a he tohi 'a Clive ki he'enau taumu'a mo e feinga ke kaunoa, ka kou tokanga au ia ki he tafa'aki 'o e tokoni mei muli ki he kautaha ni pea mo 'enau fakamatala pa'anga, ke ngaue ko e lau 'a Clive 'oku 'i he "public interest". Kuo tau fo'i hono 'eke'i e fakamatala pa'anga 'a hai mo e kautaha 'a hai, kae lilo pe 'a e FIHDRM. 'Ai mai ke tau 'ilo pea ke 'ilo ki ai e kakai kae ma'a e ngaue. Pea kuo toki mahino mai e lanu totonu e kautaha ni, ka 'oku 'ikai ko e ako'i mo taukave'i e totonu 'a e tangata ka ko e faha'i fakapolitikale 'a e ki'i ni'ihi tokosi'i. Koeha kapau te mou fakaha ho'omou kau kanititeiti ne mou 'osi fokotu'utu'u pea kohai na'a ne fili ke hange ko ia 'oku tukuaki'i 'e Clive. Kapau 'e lava 'e he FIHDRM ke fakama'ala'ala mai e ke tokoni ki he talanga ni.

Faka'apa'apa atu,

Miu Sika,
GPS Uafu ko Vuna

miusika [at] rocketmail [dot] com ( miusika [at] rocketmail [dot] com)