'Ave 'etau poupou kakato ki he 'Ikale Tahi [1]
Wednesday, June 22, 2011 - 11:17. Updated on Friday, May 2, 2014 - 09:44.
'Etita,
Kataki kae Fakahoko atu ha poupou ki he teuteu 'a e timi 'akapulu 'iunioni 'Ikale Tahi ki he Ipu 'a Mamani 2011 Sepitema 'i Nu'usila.
'Oku tau Fakamalo ki he ngaahi ngaue lahi kuo lava. Ko e ngaahi fe'auhi 'oku lolotonga fakahoko, kuo meai'i 'e hou'eiki pea laau'ilo ki ai 'a e kakai, ko e kamata'anga ia 'o e teuteu 'oku fiema'u.
Fakamolemole pe, pea tapu mo e kakai 'o e fonua, fakatulou atu ki he kau faivaola 'I he maai'imoani, kae pehe ki he kau va'inga lolotonga 'o e fungavaka kehekehe pea ki he kau poupou kotoa mei he tapa kehekehe.
'Oku toe pe 'a e ki'i mahina 'e ua mo e konga pea Kamata 'a e fe'auhi. Mahalo kuo lava 'a e Churchill Cup, pea 'oku taau ke tau ako mei ai pea toe teuteu lahi ange ki he fe'auhi hook (Pacific Cup). Ko e Ngaahi teuteu 'oku fiema'u 'oku ou lave'i 'e au kuo ngaue ki ai 'a e kau faiako, pea pehe ki he komiti. 'Oku lave'i 'e he motu'ani, ko e taimi hala 'eni ke tau kei fetuhu'aki mo Laaulea 'I ha Ngaaahi me'a maumautaimi. Fakatokanga'i 'a e taimi. 'Oku fiema'u ke fenapasi 'a e fokotu'utu'u mo e fakakaukau pea tau poupou 'aki Ho tau loto kotoa kae me'a tepu ke tau 'ofa ki ai. 'Oku takitaha 'I ai pe hono loto, ka ko e me'a taautaha ia pea fakatatatali atu ia, ka tau ngaue fakakatoa na'a Hoko ai 'a e Lelei 'oku tau faka'amu ki ai.
Tuku mu'a ke u lave atu kihe fakakaukau fie tokoni ko'eni. Koeha hono mahu'inga 'o e fetaulaki fakaava 'o e fe'auhi faka mamani ko'eni. Tau fakakaukau ange pe koeha na'e fili ai 'a e 'Ikale Tahi ke fakahoko 'a e fakaava 'o e feauhini pea mo e All Black. 'Oku lave'i 'e he motu'ani 'oku 'I ai pe 'a e ngaahi tali, ngaahi 'uhinga mo e ngaahi fakakaukau. 'Oku totonu ke tau Ffefia he 'oku tau kau 'I he lau. Kapau na'e fulihi 'a e fokotu'utu'u, mahalo 'e fiefia ha fonua kehe ia. 'Oku 'ikai toe 'I ai ha va'inga kehe ia 'I he 'aho ko'eni ka ko 'etau va'inga mo e All Black pe. Hange 'e mamata 'akapulu kotoa 'a e kakai 'o mamani 'oku nau poupou ki he sipoti ni. Ko ia ai 'oku ou fokotu'u atu ke tau poupou kotoa, pea 'ave 'a 'etau falala ki he kau ngaue pea mo e kau va'inga 'e fili ki ai.
'Oku 'ikai koha me'a Fo'ou 'a e laaulea 'I he ngaue ko'eni, pea 'oku hoko pe 'ia 'I he taimi kotoa. 'Oku ou fa'a fehu'i ma'u pe, pe na'e 'I ai koa ha ki'i lelei 'I hono fakahoko 'o e fakatongiani. Pea kapau na'e 'I ai pea 'oku fakafiefia. Koeha 'a e ta'emaausia pea ko e 'amanaki ko e kau hoko atu, te nau toe fakahoko ke toutou liunga 'a e Lelei.
Fakamuimanoa 'aki mu'a 'ae ki'i lave ko'eni. 'Oku tekeutua pe 'a e malohinga ia 'o e All Black. Kuou lave'i pe, kuo maaumalie 'a e teuteu ki ai.
Fakatauange ki he tokotaha kotoa ke tau poupou malohi 'aupito ki he teuteu kotoa 'oku fakahoko. Tau 'ofa kiai pea tau Lotu kiai, pea 'oku mau talamonu atu ki he ngaahi ngaue lelei, pea mo lahi 'oku fakahoko.
Malo 'aupito
Sione Petelo
saione_pita [at] yahoo [dot] com