Fakasi'isi'I 'a e holi ke tatau mo hoto ivi [1]
Sunday, October 23, 2011 - 11:01. Updated on Monday, September 9, 2013 - 18:40.
'Etita,
KOLE pe ke ki'i hao hake ki'i tali ko'eni ki he me'a 'oku lave ki ai 'a PV.
Peni mahalo 'oku nounou pea mahino ngofua pe, ko e ngaahi fili kotoa pe 'oku malava ke tau fakahoko 'oku 'I ai hono nunu'a.
Ko 'ete lele pe 'o fu'u totu'a fakatatau ki hoto malohi 'oku 'I ai leva hono anga. Fakasi'isi'i pe holi mo e kole noo 'o fu'u lahiange 'I hoto ivi pea 'oku totonu ke ngaue mai leva 'a e lao ia ki he kakai pehe ni.
Kole atu ki hotau kakai mou kataki 'uluaki fisifisi'i ho kete mo ke ngaue fakalelei'aki 'a e kau fale'i no ngaahi pangike kimu'a pea ke tafoki hifo 'o fai ho'o no. Pea 'oku ou tui au ki hono tautea'i e fa'ahinga kakai pehe ni, he tene uesia ai e mo'ui e ngaahi famili lahi ko e tupunga pe ia mei he totu'a e 'amanaki mo e holi 'o laka ia he ivi.
PV mahalo pe 'oku mahino ngofua pe pea 'oku ou tui 'oku 'ilo'i ia 'e he kakai kuo nau palopalema fakano 'I he pangike 'a e me'a ko'eni kou 'uhinga ki ai.
Tu'a 'ofa 'eiki atu.
Taiana Pilima
tuungaikuna2 [at] gmail [dot] com ( tuungaikuna2 [at] gmail [dot] com)