Ko e vaka 'o e Reef ka ko Fe'ofa'aki 'oku uta me'akai [1]
Sunday, December 18, 2011 - 22:32. Updated on Monday, September 9, 2013 - 18:40.
'Etita,
KO E Reef shipping ko e kautaha vaka NZ pe ia 'a ia na'e kamata ngaue he 1991 'ou hoko ai ko e stevedore talu mei he 1991 pea kuo 'u fakafofonga vaka ai talu mei he 1993, ko e kautaha vaka eni e nima kuo nau afe mai ki Vava'u ni talu mei he 1991 'o mau lele fakataha pe pea kuo nau foki atu kae kei lele pe 'a e ngaahi vaka 'o e Reef ki Vava'u mei he koniteina 'e 1 ki he container 'e 68 ko e lahi taha ia kuo uta faka'anga taha mai 'e he Reef 'I he mahina 'e taha.
Ko e ngaahi feleti 'a e Reef na'e $1850 'a e kamata pea kuo $6200.00 ki he koniteina 'I he taimi ni', kuo fetongitongi ai 'e he Reef hono vaka kehe kehe 'e 10 tupu ko e makatu'unga 'I he fiema'u 'a e kakai 'o e 'otumotu Pasifiki kau ai 'a Vava'u
Ko e uta me'akai 'o e 'aho ni 'oku 'ikai ko e uta ia 'a e Reef ka ko e uta ia 'a'aku ki he Fe'ofa'aki Shipping ko e kautaha uta 'oku 'ikai hano vaka 'ona, na'e kole ke fakamalolo'I 'a e uta 'a e Reef Freight mei Vava'u ki NZ 'e he tokotaha ko Sulia Va'enuku mei he Morning Star Freight koe'uhi ko 'enau pehe 'oku tuku kia tekinautolu ke nau fakalele hili ha'amau lele mai 'I ha ngaahi ta'u lahi 'I hono uta atu e ngoue 'a e kakai Vava'u, pea 'I he taimi na'e tu'utu'uni ai ke 'oua te u toe uta atu ha uta kae tuku ki he Morning Star na'e hu mai leva 'a e EZY World 'a Mosese Uele mei NZ kia Viliami Lavulavu 'o Leimatu'a pea na'a mau uta kotoa ai pe, ko e me'a na'a ku a'usia tonu ko e tangai kava 'e 6 taki kilo e 30 na'a ku totongi ai 'ae NZ$800.00 ki he EZY world pea toki faka'ata atu eku uta 'I NZ pea faifai pea u toe 'ave 'a e tangai 'e 5 x 30kg pea holo hifo 'o NZ$600.00 'a e tangai e 5 pea kapau 'oku tamate'I pehe'I au 'oku ou malava ke uta ta'etotongi 'I he vaka ni huanoa 'e kakai Vava'u ha'anau faingata'a 'ia fakalongolongo pe ,pea langa'I ai 'a 'eku faka'ofa'ia 'I he kakai 'ou kole ai kia Fe'ofa'aki Viau ko e pule 'oe Fe'ofa'aki Shipping kene 'ave mu'a 'a e uta 'a e kakai Vava'u ka kuo pau pe ke ma uta 'aisi he kuo fiu e kakai hono faka'ahu e uta pea mo e maumau 'enau ngaahi koloa pea ko e founga eni na'a ku kole ange ai kene tokoni'I 'a e kakai 'o Vava'u ,'oku 'ikai foki ko ha tama Vava'u 'a Fe'ofa'aki ia. Koe 'ema alea na'e pehe ni 'eku fokotu'u ange.
1. He 'ikai ha'aku komisoni pe vahenga 'I he fai 'o ene uta koeni mei Vava'u ki NZ.
2. Ko e totongi 'o e tangai milemila 'e taha koe $25.00 ki he tangai kae fa'o pe ke fonu, pea temau teuteu 'a e tangai milemila mo e me'a ha'i.
3. Koe uta kava pauta 'e $2.00 ki he kilo 'e taha.
Ko e ngaahi mahu'inga koena 'oku 'osi feleti, tute pea kolonitini 'I NZ
Tu'utu'u ni ko ho'o fiema'u ke hiki ha totongi kuopau pe kema femahino'aki telia na'a maumau e loto 'o e kakai.
Me'a pango na'e pau ke u fakafonu 'ene koniteina kotoa pe ke fonu 'aki 'eku fakatau mai ha me'akai ke fakafonu 'aki 'a e koniteina koe'uhi kae 'oua te ne hiki 'a e uta ke tapuni'aki 'ene fakamole pea kuopau kene totongi mai ha NZ$1.00 ki he kilo 'o e me'akai 'oku ou fakafonu'aki 'ene koniteina, koe'uhi ke 'oua na'a ne hiki e totongi 'o e uta 'a e kakai tatau ai pe pe 'oku tangai pe 'e 200 'oku ma'u atu kae tuku ke u fakamole atu ia au koe'uhi ko e kakai.
Ko hono taumu'a ke lava hano totongi 'ene feleti mo e ngaahi fakamole,'oku fakamamahi ko e fakakaukua 'a e ni'ihi ko e tangai e 600 kuo ma'u ai 'e $15000.00 'a Fe'ofa'aki he ko e tangai 'e fiha 'oku tanaki mai 'e he kakai, ke ma'u ai e tangai e 600 kuou fakamalohi'I ha taha ke tanaki ha tangai ke fonu e koniteina 'o fua 'aki 'ae fakamole? Mou 'ofa mai 'o 'eke mai e me'a mo'oni kiate au he ko e faingata'a'ia ko'eni 'oku ou fakalongolongo pe au ka ko hono mo'oni ko 'ene hongehonge mai 'a e vahefonua Vava'u na'aku fiu hono feinga'I ke fonu e koniteina 'e taha he mahina telia na'a tafoki a Fe'ofa'aki 'o laiki 'a e kakai Vava'u
Pea 'oku ou fua me'akai mai mei he kakai ki he T$1.00 ki he kilo peau 'ave atu ki he Fe'ofa'aki 'aki 'a e NZ$1.00 ki he kilo. Ko hono taumu'a ke tu'uma'u pe 'a e totongi na'a ma felotoi kiai ko e $25.00 ki he tangai pea $2.00 ki he kilo 'a e kava efuefu, 'oku lolotonga 'ataa pe ke fa'o ho'o tangai ki he e'ene fonu, oku 'iaki fakangatangata 'a e kilo
Ko e uta ki he fakatau ho'o me'akai 'I NZ, mou kataki me'a mai 'o uta ha'amou koniteina 'e taha 'e lava ke fa'o ai ke fonu ha'o tangai e 700 ke 'ave 'o fakatau atu 'I NZ 'e ma'u ai ho'o $42000.00 kapau 'oku $60.00 ki he tangai pea to'o ho'o fakamole nai ko e feleti $5000 tupu pea tute mo e fakamole kehe $3000 tupu pea toe ai ho'o $30,000.00 tupu.
Tukuange 'a e uta oku manava ai e kakai 'o Vava'u he ko e ta'u eni 'e nima 'eku fakahoko e ki'I uta ni ma'a e kakai 'o Vava'u 'oku te'eki pe launga mai ha taha ka neongo ia mahalo 'oku si'I mo'oni pe matu'a kuo nau maa nautolu he launga na'a 'oku 'I ai ha palopalema ka 'oku 'ikai te u fie'ilo au kiai.
Fakamalo atu
Salesi Kauvaka
Fakafofonga vaka 'o e Reef Shipping 'I Vava'u mo e fakafofonga uta ki he Fe'ofa'aki Shipping
vavships [at] kalianetvav [dot] to ( vavships [at] kalianetvav [dot] to)