Malo 'Ikale Tahi! [1]
Tuesday, October 2, 2007 - 06:04. Updated on Friday, June 13, 2014 - 19:36.
'Etita,
Kataki ka e fakahoko atu 'a e fakamalo lahi ki he fefine Tonga nofo Siamane koia ko Falamoe Fau'ese Weber na'e loto to mo 'ofa fonua 'o totongi ke fakahoko 'e he Televisone Tonga 'a e tau malie 'a e 'Ikale mo 'Ingilani. 'Oku ma'ungata'a ha kakai kuo nau nofo muli fuoloa ka nau kei 'ofa mai pe ki Tonga 'o fakafou mai he founga koeni na'e fai 'e Falamoe. 'Ofa ke faitapuekina ho famili pea ko ha me'a ia ke tau ako kotoa ai.
Fakamalo atu foki ki he kau taki mo e kau va'inga 'o e 'Ikale pea sai ia Tonga kotoa ke tau sio kiai, 'oku to e to'a ka e tu'u e to'a, 'oku lavanoa pe 'e he kauleka ia 'o leva'i lelei 'a e Timi 'Ikale, 'ikai toe fiema'u ha kau paipa lou'ulu ke nau fakamatapule maumautaimi holo ai, ko e sipoti 'oku ma'ae taha kotoa, pe 'oku ne lele'i e fo'i pulu pe to'o falani 'i tu'a pe 'e puke banner pe 'i he tafa'aki 'o e kau mamata pe ko e mamata televisone pe mei 'api, ko e laumalie fiefia ia 'oku tonu ke ma'u 'e he Tonga kotoa ki he sipoti.
'ofa atu
Fuai'api Sime