Kava kuo heka, 'ave ia ma'ae 'Ikale Tahi [1]
Sunday, September 30, 2007 - 14:57. Updated on Friday, June 13, 2014 - 19:39.
'Etita,
Ko e talanoa malie 'o e kuonga' 'i hono fakafepaki'i 'e he Siueli 'o e Pasifiki (Tonga 'Ikale Tahi) e ongo fonua hau koia ko 'Ingilani (Laione) mo 'Amelika ('Ikale). Kuo fakamahino'i 'e he kau talavou 'o e 'Ikale Tahi taa ko e Laione ko e tokoto ngugulu pe pea ko e 'Ikale 'Amelika ko e to'o me'afana pe ka ko e 'Ikale Tahi ko e fakafepaki Sino mo e loto kotokotoa pe, "Kava Kuo Heka"
Kuo 'ongo'i 'e mamani he na'e fai e tau
'Akapulu 'a mamani lahi ki he ipu'
Ne to'o e lelei taha mei 'Iulope
Mo e katokatoa 'o e Kolope'
Ne kau atu e Pasifiki mo e tapatolu
Ko Fisi,Tonga, Samoa
Ne ta'e toka'i 'e he 'Ikale USA kae vevela'i 'e he Ikale Tahi'
Ne toe sio lalo mo Samoa ka ne uipi'i ke 'ilo 'e he kihi 'ene si'i
Pea 'ohovale a Saute 'Afilika hono fakafepaki'i 'onau hola kihe laini 'auti'
Na'e tau 'a Nu'u Sila mo Lomenia kihe fiefia
Pea tau a Samoa mo 'Afilika ko hai 'oku 'ikai 'ilifia
Ka e tau 'a 'Amelika mo Siapani kihe suvenia
Pea toki tau a Tonga mo 'Ingilani kihe koloia
Taai oo! tai oo! tai oo! kuo ma'a e 'aho
Kuo siutaka e 'Ikale Tahi he moana loloto
Taai oo! tai oo! tai oo! mou tu'u ketau uoooooooo
Tai oo! tai oo! tai oo! mou kaila pea uouoooooooo
'Aahaaaaaa!! 'Eheeeeeeeeee!! 'a e sei 'o fafine laukau ai pe mu'a
'Ikale Tahi he ko 'etau tuli hua fakavaha'a fonua
Malo e va'inga malie pea 'oku mau laukau 'aki ho'omou loto'i Tonga.
Siosiua Moimoiangaha