Fangailupe e La'aa ke too [1]
Friday, August 18, 2006 - 12:00. Updated on Saturday, March 15, 2014 - 22:22.
'Etita,
'Oku ou kole ke u hufanga he talamalu 'o e fonua kae hao atu 'a e ki'i popoaki talamonu mo e lotu ko'eni ki he Pani 'a e 'Otua ko 'ene 'Afio ko Taufa'ahau Tupou IV ko e Tu'i Totonu 'o e 'Otu Tonga.
Fakatauange ke 'omi nonga 'a Sihova kiate koe, kae'uma'aa 'a e Fale Hau na 'i he ngaahi 'aho faingata'a ni, 'isa 'a e tu'oni 'ao ni kuo malu'aki mai ki he 'Otu Felenite, pea kuo 'ao'aofia ai 'a e Loto 'o e Tonga kotoa pe 'oku mafola 'i he Kolope.
Kuo fangailupe 'a e La'aa 'o e 'Otu Felenite ke too, kae fakafeta'i 'oku kei ho'ata malie pe 'a e La'aa Tupu'a ko e Maama 'o Mamani, koe Tu'i 'o e Ngaahi Tu'i mo e 'Eiki 'o e ngaahi 'Eiki, koia te ne fakamalumalu koe 'i he teu 'o e ha'ele atu ki 'Itaniti na, pea koia pe, koia pe tene toe fakamalumalu ho Fonua pea mo ho kakai, pea mo hono kaha'u, ke tolonga 'o tuputupu'a 'a e nofo melino, fekoekoe'i mo e tauhi 'Otua Mo'ui 'a Tonga manakoa.
'Ofa ke kei malu'i ai pe 'ehe 'Otua Mafimafi 'a Tupou pea mo Tonga 'o Ta'engata.
Faka'apa'apa mo e Tu'a 'Ofa 'Eiki atu,
Molumalu 'o Ha'angata