Ko e 60%, 70% mo e 80% mei fe [1]
Wednesday, August 2, 2006 - 17:52. Updated on Friday, October 17, 2014 - 16:24.
'Etita,
Ko 'eku fakakaukau lelei 'eni 'oku toe 'oatu pe ke ke vakai ki ai.
'Oku ou kei fifili ai pe au ke ko e ha e me'afua na'e ngaue 'aki 'e he kau "'Atamai'ia" ke nau fokotu'u ke fai e hiki ki he 60%, 70% moe 80% Tuku mu'a ke u vavalo atu Ko e fakalele ha fonua 'oku 'ikai toe kehekehe ia mo hano fakalele ha pisinisi. 'Oku 'i ai e koloa 'oku fakatau atu pea mo e pa'anga 'oku ma'u mai. Ko e pa'anga ma'u mai 'oku vahevahe ia ki he konga ke toe hu mai 'aki ha koloa ke hoko atu 'aki e pisisini, ko e konga ke totongi 'aki e ngaahi fakamole, ko e konga ki he pa'anga malu'i, kae 'i ai ha toenga ko e tupu.
Ko e pa'anga tupu 'oku fa'a invesi ia ha fa'ahinga founga ke toe ma'u mei ai ha tupu, fakalahi e fale koloa pe fakatokolahi e kau ngaue. Ko e ngaahi pisinisi ko e 'oku tupulaki 'e nau pa'anga tupu 'oku vahe'i leva e patiseti mei ai ki he hiki vahenga. Ko e hiki vahenga leva 'a e pisinisi pe ko e pule'anga 'oku makatu'unga ia pea faka'aia'ai 'e he tefito'i fakakukau faka 'ekonomika 'oku 'osi 'i ai 'ae patiseti kuo fakamavahe'i ki he hiki vahengani Na'e vavalo e kau "'Atami'ia" 'e malava 'e he patiseti 'a e pule'anga 'o fua e hiki vahenga na'anau fokotu'u. Na'e 'ikai ke nau fu'u hiki ki 'olunga he na'anau mahalo 'e fu'u ma'olunga ia ki he me'a 'e lava 'e he pule'anga. Pea ko'ena kuo ke sio pe ki ai. 'Oku feinga lahi e pule'anga ke 'oua tenau bankrupt 'i hano fakahoko e loto e kau "'Atamai'ia". 'Oku ha mai heni e hiki 'a e tute moe ngaahi service kehekehe ke tokoni ki he pa'anga hu mai. Kae hiki hake ai e totongi ia 'o e koloa 'o ne toe to'o atu 'e ia e ki'i fakalahi vahenga na'e 'oatu. Kuo kamta e fakatokosi'i atu e kau ngaue fakapule'anga ke fakasi'isi'i e fakamole pe pa'anga hu atu. Mahalo pe 'e a'u ki he mahina 'e taha kuo 'osi e ki'i seniti na'e 'oange ka nau tanaki atu ki he lauiafe 'oku nau lolotnga ta'e ma'u ngaue.
Ko e pule'anga ia hange ko e pisinisi 'oku 'ikai fakalele he 'ofa mo e toka'i ki he kau masiva. Kuo pau ke ma'u ha tupu ia ke kei hokohoko atu 'e ngaue.
Ko e 'eku 'o hake e tu'unga vahenga 'a e Sotia 'Amelika he ko 'emau hiki vahenga faka'osi 'ihe 1998 na'e 4%. Pea 'oku te'eki ai pe keu fanongo au ki ha hiki vahenga lahi 'o hange kuo a'usia 'e Tonga. Neonga e fonua hauni 'oku 'i ai pe hono kavenga 'ona ka ko e 'isiu ke he ia. Ko e me'a mahu'inga ko e hiki vahenga 'a e Sotia 'e toki fai pe ia ka 'oku vahe'i ha pa'anga pau ki he hiki vahenga. 'Oku lava 'e Nu'usila ia 'o fua e vahenga benefit 'a e kakai he 'oku 'osi 'i ai e patiseti ia tuku tukupa ki he benefit ko'eni Ko e hiki vahenga ia 'a Tonga na'e makatu'unga pe ia he vavalo 'a e kau "'Atamai'ia". Pea ki he'eku fakamaau'i atu, ko e fo'i laka kuo mahino mai ne fehalaaki lahi.
Faka'apa'apa atu
Devil Dog Kava
99AS010 [at] samoatelco [dot] com