Ko e Pani 'a e 'Otua [1]
Tuesday, July 25, 2006 - 08:41. Updated on Friday, October 17, 2014 - 14:39.
'Etita,
Kole keu hufanga atu mu'a 'i he talamalu e fonua kae tu'u atu mu'a 'eku ki'i tohi ni. 'Oku ou fiefakaha heni 'eku kau fakataha pea SL Kava 'a 'eku tui ko hotau Tu'i koe Pani 'a e 'Otua, Koe 'Otua ko Sihova Sapaoti koe 'Otua Mo'ui. Pea 'oku ou tui fakataha pea moe Loto'i Tonga mo'oni 'e laui mano 'oku 'i Tonga pea moe 'Otu muli ni. Ko e pulopula koia na'e too 'e he 'Uluaki Faa 'i Pouono " Ko e 'Otua mo Tonga ko hoku Tofi'a" kuo tupu 'afa'afa pea to'ulu hono ngaahi fua 'i hotau to'utangata ni, ko e fakamo'oni kiai ko e mofele mai ko'eni hotau kakai ki muli ni, ko e peseti lahi taha ko hono fakafonu e ngaahi falelotu faka kalisitiane kuo maha 'i muli ni koeha? ko'enau fekumi ki he 'uluaki tofi'a na'e tofa 'e he 'uluaki faa ma'ae Tonga Ko e 'OTUA., ua ko Tonga kuo fakamo'oni'i ko e pa'anga humai mei hotau kainga nofo muli 'i he ta'u fakafuofua ko e $200 miliona ko e fakamo'oni ia, ko e Loto'i Tonga mo'oni 'oku fekumi ki he tofi'a hono ua na'e tofa 'ehe ''Uluaki Faa ko TONGA.
Koia S Hao'uli mo e kau feinga liliu tuku noa'i 'a e pani 'a Sihova he ko e me'a ia 'a Sihova 'oua 'e lea kiai he temou 'auha ai. He ko e Pani 'a Sihova 'oku Lotu kiai 'a e Tonga Kotoa 'i he 'aho kotoa pe 'o e uike moe uike kotoa pe 'o e ta'u. "Tuku hono ngaahi fili ke movetevete pe, 'ai 'enau tu'utu'u ni ke liliu ke vale pe 'E Sihova !! 'E 'Sihova !! Me'a mai 'emau punou ke ke tali 'emau lotu 'o malu'i 'a Tupou."
Faka'apa'apa atu
So'oso'o Tu'ivai
stuiivai [at] yahoo [dot] com [dot] au