Tonga's big eaters, dying younger

Na'e fai 'emau kai fakaafe he Sapate 'e taha. Na'aku tangutu fakataha mo hoku kaume'a ko e tama ia 'oku kei si'i mahalo 'oku ou lahi 'aki 'e au e ta'u 10. Na'e 'i ai fu'u puaka tunu na'e 'ela 'i mu'a 'ia maua, ko e kulokula atu, moho lelei mo namu lelei. 'Osi pe 'a e lotuu, kuo ala atu fu'u tamaa, he ko e fu'u siana lahi, nima lahi mo sino, 'o faluku fakataha mai pe kili mo e tu'akia ki'i puaka tunuu 'o ta'aki mai pea ko e ifo atu 'ene 'iloo. Na'aku meimei ma au 'o siosio holo 'oku 'ikai tokanga mai ha taha ia, peau toe fai pe 'e au mo e me'a tatau. 'Osi pe 'emau fo'i kai pola koia kuo puke kauti tangataa, ko e faka'ulia atu langaa. Kou pehee atu, si'i, me'a moho lelei mo'oni ko e ki'i puaka tunuu. Pehee mai e tangataa ia, masi'i, te u 'alu au ki heli kapau 'e tukumai ha ki'i puaka tunu moho lelei pehee 'i mu'a 'iate au ka 'ikai teu ala kiai. Sai pe langa ia hoku kautii, he 'oku 'ikai ke fai ha sivi kauti ia he 'alu ki hevanii. Kou pehee atu au ia, tatau mo au. 'Oku lolotonga 'ela atu hoku feleni 'i falevaivai, ka 'oku ou makalo holo pe..........SAIA