You are here

Talanga 'i he lea faka-Tonga

Malo Mr Harder

USA

'Etita,

Ne u nofo hifo 'o lau peau toutou lau e tohi 'a e motu'a ko'eni ko Mr Harder peau tangi peau toe 'ita peau kaila he na'e hange' ha "masalu ngaue" na'e fepuhi'aki 'a e matangi mei he ngaahi tafatafa'aki he na'e lolotonga pe 'eku mafana kuou mokosia pea lolotonga pe 'eku mokosia kuou vela. Na'e 'i ai e taimi

ia ne u fakafeta'i ki he Langi' pea 'ohovale pe kuou toe 'ita ke u foki ki Heli he na'e hange na'e fepa'aki 'e ha taha hoku fo'i 'ulu' mo hoku telinga. Na'e 'i ai e taimi 'i he lolotonga 'eku lau e tohi' na'e hange ia ka tu'u hoku mafu he 'ita' pea lolotonga 'ene taataaiku ke tu'u kuo toe lele fakafokifa' hake 'ita' ia he'ene tete peau pehe 'e mafahi hoku mafu.

Ko e me'a faka'ulia mo'oni ko e taufeteke 'a e 'atamai mo e loto' he feinga ke 'ilo pe koeha koa' 'a e taumu'a 'a e motu'a muli ni. Ne u fehu'i 'o pehe, koeha 'oku 'ikai lava ai 'e ha taha 'i he kakai na'a nau fakatupu e maumau' ke tu'u ke ngali tangata pe lea 'o hange koia kuo fai 'e he motu'a muli ni. 'Oku mahino koa' ki he kakai ko'eni' ko e tangata' 'oku 'ikai "Lau kafo ka 'oku lau lava."

Ko e fakafotunga 'a Mr Harder 'oku hange ia ko e talanoa ki he Fakamo'ui' 'a ia 'oku tau hanga atu ki hono fakamanatua hono 'Alo'i (Kilisimasi).

Kuo tu'u e motu'a muli ko 'eni 'o fakaha 'ene fakatomala mo 'ene kole ke fakamolemole'i kinautolu he 'oku 'ikai ke nau 'ilo 'a e me'a 'oku nau fai'.

'Oku ou fakamalo pe kihe motu'a muli ni ko 'ene loto lahi ke feilaulau'i ia lolotonga 'ene tonuhia pea ta'ehalia kiha fa'ahinga to'onga 'i Tonga.

Ko e ha nai ha'atau ongo'i kapau 'e tu'u mai ha tangata mei he kau tangata ko'eni ne fakamalo'ia 'e Mr Harder 'o fai ha feilaulau hange koia kuo tau mamata ki ai?

"I would also like to thank Tongan law practitioners Clive Edwards, Mana Kaufusi and Masao Paasi for all of their help as well as my clients 'Akilisi Pohiva and 'Uliti Uata for having the courage and the faith to engage me as their counsel, despite my disciplinary Tribunal background and against some

opposition and for continuing to retain me." - Mr Harder

Malo e lafolafo pea 'ofa ke mou ma'u ha Kilisimasi fiefia!

Moimoiangaha

Joshua [dot] Nehasi [at] AlaskaAir [dot] com