You are here

Talanga 'i he lea faka-Tonga

Fakamolemole'i kimautolu

Auckland, New Zealand

‘Etita,

Ha’ele a si’omau Tu’i ‘Ofeina. Si’i Heilala Fu’itahi ‘o Loto Mu’a, ka ko e Maile kuo Fihi tu’ua. Silongo e ‘Api ko Fakala’a pea kuo nonoa e Tapuni Siliva pea mo e fanga ko Muinahafu. Si’i mapelu e ‘akau ‘o e ‘api ko Loto Langi pea kuo taunga’a e ‘api ko ‘Ahau.

Kuo tu’u mo’unga ho kakai he ako, sipoti, lotu, musika, mo’ui lelei fakasino pea mo e pisinisi tu’unga pe ‘i ho’o tui mo e falala kia Sihova. Pea kuo mofele pea inu monu ho kakai ‘i mamani tu’unga ‘i ho’o tauhi e ngaahi va fakavaha’apule’anga pea mo e ngaahi koloa tupu’a ‘o polinisia.

Kole fakamolemole atu ‘i he’emau nofo ‘i ‘api moli kae fu hala. ‘I he ‘ikai ke mau to’a ke tu’u ‘o lea ki he talangata’a ‘a e PSA ki ho’o tu’utu’uni faka-e-Tamai ke ‘omi ha ‘atita tau’ataina kene vakai’i ‘enau launga, ki he mofia e ‘api tupu’a ko Uoleva pea mo e fulikivanu ‘a e fanau ki he’enau tamai he ‘api ko ‘Atalanga.

Ke ‘o Sihova aipe ‘a e langilangi mo e kololia ‘o ta’engata pea ta’engata.

Sailosi Finau

sailosifinau [at] yahoo [dot] com [dot] au