You are here

Talanga 'i he lea faka-Tonga

Ko e Lo'au au mei manava - Moimoiangaha

USA

'Etita,

Malie 'aupito e fakamalanga mei Ma'ananga 'o 'Aositeleia', "'Oku ui e tokolahi kae fili pe toko si'i" ko e me'a foki ke mahino' 'oku 'osi 'i ai pe 'a e kau Lo'au ia 'oku tafe he kalava'. 'Oku 'i ai leva mo e kau panipani Lo'au 'i tu'a kalava (faka'amu ke Lo'au), pea mo e kongakonga Lo'au (ko e taataanki mai 'e ha kalava'i Lo'au). Ko e tangata ko 'eni 'oku fakahoha'a atu' ko e Lo'au pe ia mei manava, siuhuuuuuu!!!

"Tangata Tofua'ipangai, Tuku e fekumi lau melie',' 'Oku 'ikai kau he lau' e 'aa mohe',' Ko e lea pe e ngaue' he na'e 'ikai lau kafo ka na'e lau lava pe. Te u fakangata ai 'eta pootatala,' Kau foki he ko au Moimoiangaha,' Keu 'a 'eva mo talanoa he taavani 'a e 'umata'. 'Ai ho'o lea' mo faka'esia, He ko e pangai 'eni 'o e ha'a tika, 'Ai ho'o faka-hua' ke 'oua 'e kaaimu'a, 'Oku ha e 'akau hono fua, Pea tuku mu'a e fie angi' mo e fie taki'. He kuo ke hange ha pusiaki uki,' Fakakina (faka-ninimo) ho'o fakapo'uli.' Tofua'ipangai, "'Unu'unu Mai Keta Kafa Taha Ke Papata Pe Ka Na'e Lalanga." Ko hono 'omai e "PALOVEAPE" ko'eni' ki he taalanga 'oku fai', 'oku pehe ni hono 'uhinga'. Tangata 'unu'unu mai ke ofi ke u taufale'i ai leva KOE pea neongo te ke vevela 'ia mo makamakalava ka 'e ma'u fua lelei 'i ho kakakava'. Kuo ke toe lave 'o pehe kuou talanoa atu ke mahino 'oku 'i ai hoku konga 'eiki he na'aku lave atu ki POUONO mo hoku 'uhinga'. Ko e lea na'aku fai na'e 'ikai 'uhinga ia ki he me'a kuo ke faka'uhinga ki ai'. Ko e 'uhinga na'aku ngaue atu 'aki 'a e fakamahino ko 'eni' he ko e fu'u pou 'e taha 'i he POU tuliki 'e ONO' koe huli mei ai e motu'a ia ko 'eni' 'oku fakahoha'a atu pea 'oku ou laukau 'aki. Ko hono 'omai ki he talanoa, ko hono fakamahino atu kia KOE ke 'oua te ke ta'ota'ofi au mei he 'eku fie'ilo ki he ngaahi maumau 'o e fonua' he 'oku 'i ai 'eku totonu ke u fehu'i. Ko e 'uhinga na'aku lave ai ko e 'akau hoku 'api' ko e Kava 'o e Tu'i Tonga', na'e 'uhinga ia ke 'oua te ke fakasi'isi'i hoku fononga mo e Tangata ko Sefita' he ko e Kava Pele Toho Fakatefisi 'oku ma fakatu'uta atu ki he pangai 'o Lo'au'. Kuo ke pehe mai kapau 'e 'ikai ke u tali atu ho'o fuhifuhinga fehu'i' teke tatau mai ai pe ho 'EFE"'. Tangata, Tofua'ipangai, kapau 'oku ke tali fononga mai 'aki e "EFE" (veve) taa ko e 'uhinga ia ho'o kei hee' (Fekumi 'a Lo'au'). Teu vete 'aki 'eta talanoa 'a e lea 'a e Tangata 'iloa 'ihe fetukutuki'i' (FUHU') MAHAAMETI 'ALI,' 'i he taha 'o 'ene ngaahi lea 'o fakamatala'i 'ene founga tuki', na'a ne pehe 'oku hange 'ene kalo'i e tuki' koe kakalo 'a e PEPEE' "Float like a butterfly" pea momoiki 'ene tuki' 'o hange koe makinikini (mofisifisi) 'ae u'u' 'a e PII' (BEE) "Sting like a bee". Tofua'ipangai, laku e pooniu' ia moe puupuu' kuo laui ta'u ho'o kukukuu' kae fa'o ho'o 'oaa' ke fonu he me'a ko 'eni kuo mau 'oatu'. He 'ikai ke u lauvale he 'oku 'ikai koha anga faka'apa'apa,' te u kinikinisi'i pe KOE he ko e hua (va'inga) faka-faikava. "'AAAAAAAAAAAAAAAAAeee KAVA! 'Ave ia ma'a Lo'au 'o Ma'ananga............Fuu Mai pea 'ai ke ngali Tangata! Ko ho kava 'ena mei he ko 'Api ko Siatahi' 'Aha! 'Ehe! 'a e Sei 'o Fafine Laukau ai pe mu'a kau tuli (hua) faka-vaha'a Fonua.

'Ofa atu mei he Palepale "TANO'A 'a LO'AU"'.

'Ikale (Siosaia Moimoiangaha)

LAX [dot] RAC [dot] Room [at] AlaskaAir [dot] com